Ta(y)ong Dalawa: Sayaw ng panunuyo, handog ng CCP

Nakatuon sa pagpapalaganap, pangangalaga at pagpapasimula ng lokal at katutubong sining, ang Cultural Center of the Philippines ay naglunsad ng ikatlong pangkat ng video ng pagtuturo ng lokal at katutubong sayaw, binansagang, “T(a)yong Dalawa: Indak sa Saliw ng Pusong Umiibig, tampok ang panunuyo, kasal at romantikong sayaw mula sa iba’t ibang rehiyon sa bansa.

Nakatakdang ilunsad habang ginaganap ang National Folk Dance workshop sa Hulyo 27 sa Manuel Y. Torres Memorial Coliseum at Cultural Center, Bago City, Negros Occidental, itinatampok sa “T(ay)ong Dalawa” ang video ng pagtuturo  sa walong lokal at katutubo na magpapakita sa iba’t ibang mukha at kontekstong kultural ng romantikong pag-ibig.

Ang walong napiling lokal at katutubong sayaw na nakategorya sa popular at hindi nalimbag ay ang mga sumusunod: Salip: Ligawan sa Kumot, itinanghal ng Kaloob Philippine Music and Dance Ministry; Kuratsa: Ki-ay han Hul-os nga Gugma, itinanghal ng Ramon Obusan Folkloric Group; Singkil: Sagip sa Sintang Ibig, itinanghal ng Bayanihan, The National Folk Dance Company of the Philippines; Balse ng Desposorio: Unang Hakbang sa Walang Hanggan, itinanghal ng Sining Bulakenyo (SIBUL); Palobô: Pagsúyo sa Siphayo ng Pobreng Puso, itinanghal ng Hiyas Kalilayan Cultural Group (HKCG); Kasal Dauinanon: Ritwal, Rito, Ug Tradisyon, pinangunahanng PFDS Negros Oriental Chapter at NORSU, itinanghalng Kahayag Dance Company; Valse Zamboangeña: El Paranguas de Amor, itinanghal ng WMSU Jambangan Dance Troupe; and Madal Siwol: Walang Hanggang Pag-ibig, itinanghal ng Helobung Community Dance Troupe Inc.

Ang bawat video ng pagtuturo ay naglalaman ng makasaysayan at pangkulturang karanasan ng sayaw, pagpapakilala sa saliw ng katutubong musika (kasama ang mga iba’t ibang uri ng instrumento at mga saligang ritmo), mga costume at props, kakaibang galaw ng sayaw at lima o pitong minutong maikling kuwento sa sayaw.

“In line with our mission to promote and preserve the best of Filipino arts and culture, the T(a)yong Dalawa project utilizes modern technology to document and catalogue existing Philippine folk and indigenous dances, while democratizing the access and distribution of knowledge and skills to as many dance practitioners as possible,” ani CCP president Margie Moran-Floirendo.

Sa proyektong ito, nais ng CCP na lumikha ng kamalayan para sa mga kabataan tungkol sa mayaman at magkakaibang pamanang sayaw sa Pilipinas at para na rin magbigay ng tamang impormasyon tungkol sa pinagmulan, katangian at kontekstong sosyokuktural ng lokal at katutubong tadisyon.

Sa pakikipagtulungan ng Philippine Fold Dance Society (PFDS) at mga grupong mula sa iba’t ibang kulturang Pilipino, ang proyekto ay pinangunahan ng CCP Arts Education Department, kasama sina Robert Stephen Biadoma bilang masining na direktor ng video, Rafael Alexander Froilan, Jr., Junmarl Alconga, at Benhur Abulencia bilang segmet direktor para sa hindi nalimbag na kategorya ng sayaw.