May pagtaas ng presyo sa liquefied petroleum gas (LPG) sa pagpasok ng Disyembre, ito ang anunsyo ng Petron Corporation.
Ang pagtaas ay sa halagang P1.20 kada kilo o katumbas ng P13.20 sa 11-kilogram na LPG cylinder na handa nang ipatupad sa ganap na ika-12:01 ng hatinggabi ng Disyembre 1, 2024.
Dagdag pasanin ito dahil sa kasalukuyan ang presyo ng mga 11-kilogram LPG ngayon ay naglalaro mula P860 hanggang P1,140.