Sa ika-15 taon ng Likhang HABI Market Fair, muling bibida ang tela at kultura ng mga Pilipino na gaganapin sa SPACE Events Hall, Level 5, sa One Ayala sa Makati City mula October 10 hanggang October 12, 2025.
Ang Likhang HABI Market Fair ay programa ng HABI: The Philippine Textile Council. Ang pagkakaroon ng mas malaking venue ng event ay binibigyang-diin ang kapansin-pansing paglago at pagtaas ng katanyagan ng HABI Market Fair, na itinatag bilang kakaibang marketplace para sa mga tela ng Pilipinas, handwoven crafts, at heritage-inspired na disenyo sa bansa. Ang pagpapalawak na ito ay hindi lamang tumanggap ng mas malaking bilang ng mga artisan, designer, at vendor ngunit sumasalamin din sa pangako ng fair na ipagdiwang at ipreserba ang mayamang tapestry ng Filipino craftsmanship.
Sa laki ng venue, bibida rin sa event ang HABI lectures para ang attendees ay hindi lamang makita at makabili ng mga produktong ito kundi magkaroon din ng kaalaman at maging bahagi ng diskusyon para sa designs, pagnenegosyo at iba pa.
Ipamamalas din dito ang exhibitions ng entries sa 8th Lourdes Montinola Piña Weaving Competition at 4th Eloisa Hizon Gomez Abaca Weaving Competition.
“We want to give voice and value to the hands behind every woven creation. The artistry of Filipino weavers deserves a national stage,” ayon kay HABI Chairman Emeritus Maribel Ongpin.
Ang tema ngayong taon, “Sining ng Tela – The Art & Legacy of PHL Textiles,” ay nag-aanyaya sa mga dumalo na tuklasin ang malalim na kahalagahan at makasaysayang konteksto ng sining ng tela sa Pilipinas.
Para sa iba pang detalye, magsadya sa official website ng HABI: The Philippine Textile Council o sa kanilang Facebook o Instagram accounts.