Sa pagtatapos ng pinakakapana-panabik na awards season ng Puregold CinePanalo Film Festival mula sa kauna-unahan nitong paglulunsad, itinanghal bilang pinakamatagumpay ang mga pelikulang “Mono No Aware” at “Limlim” sa kani-kanilang mga kategorya.
Sa kategoryang full-length, namukod-tangi ang kuwentong itinampok ang Japan bilang pangunahing tagpuan, ang “Mono No Aware.” Siyam na parangal ang naiuwi ng pelikula–kasama na ang Pinakapanalong Pelikula, Panalo sa International Jury, Panalong Direktor para kay BC Amparado, Panalong Aktor para kay Juan Karlos Labajo, Panalong Aktres para kay Momoko Kobayashi, Best Ensemble, Panalo sa Cinematography para kay TM Malones, Panalo sa Editing para kay Edmund Telmo, at Panalo sa Sound Design para kay Willie Apa Jr.
Tig-aapat na gantimpala naman ang naiuwi ng “Apol of my Ai,” “Multwoh (Patay na Patay Sa’yo),” at “Patay Gutom,” habang dalawang parangal naman ang iginawad sa “Stuck on You.”
Namukod-tangi rin ang pagkapanalo ni Xyriel Manabat ng Panalong Aktres para sa pelikulang “Stuck on You,” ang pagwawagi ng batang si Zion Cruz ng “Apol of my Ai” bilang Panalong Child Performer, at ang paggawad kay Zanjoe Marudo ng Panalong Pangalawang Aktor sa nabanggit na pelikula.
Sa kategoryang student shorts, dikit na dikit naman ang laban ng “Limlim” at “Kun Hain, Bisan Diin.” Kapwa naiuwi nina Samantha Palaje at Jomarie Corro-Reyes ang Panalong Direktor. Tig-aapat na parangal ang nakuha ng dalawang pelikula, at nakamit ng “Limlim” ang pangunahing parangal bilang Pinakapanalong Maikling Pelikula.
Narito ang kumpletong listahan ng mga nagwagi sa 2026 Puregold CinePanalo:
PINAKAPANALONG PELIKULA
Full-Length: “Mono No Aware”
Student Shorts: “Limlim”
PANALONG KARANGALAN MULA SA HURADO
Full-Length: “Apol of my Ai”
Student Shorts: “Kun Hain, Bisan Diin.”
PUREGOLD ALWAYS PANALO FILM
Full-Length: “Multwoh (Patay na Patay Sa’yo)” & “Patay Gutom (Dead Hungry)”
Student Shorts: “Miss Intrams” & “Pulis Dunggab”
PANALO SA INTERNATIONAL JURY
Full-Length: “Mono No Aware”
Student Shorts: “Alumahan”
PANALONG DIREKTOR
Full-Length: BC Amparado – “Mono No Aware”
Student Shorts: Jomarie Corro-Reyes – “Kun Hain, Bisan Diin.” at Samantha Palaje – “Limlim”
PINAKA PANALONG MAIKLING PELIKULA (PANORAMA SECTION)
“The Other Side of Reality” – Zig Dulay
PANALONG AKTRESS
Full-Length: Xyriel Manabat – “Stuck on You”
Student Shorts: Jonalyn Mateo – “Ang Huling Banlaw ni Susan”
PANALONG CHILD PERFORMER
Full-Length: Zion Cruz – “Apol of My Ai”
Student Shorts: Zoey Madison Lim – “Limlim”
PANALONG AKTOR
Full-Length: Juan Karlos Labajo – “Mono No Aware”
Student Shorts: Jay Gabriel Cañada – “The Sound of K”
PANALONG PANGALAWANG AKTRES
Full-Length: Momoko Kobayashi – “Mono No Aware”
Student Shorts: Nour Hooshmand – “Starfish”
PANALONG PANGALAWANG AKTOR
Full-Length: Zanjoe Marudo – “Apol of My Ai”
Student Shorts: Nor Domingo – “12 Shots”
BEST ENSEMBLE
“Mono No Aware”
PANALO SA MANONOOD
Full-Length: “Multwoh (Patay na Patay Sa’yo)”
Student Shorts: “Ang Huling Banlaw ni Susan”
PANALONG KWENTO
Full-Length: Carl Joseph E. Papa, Yvonne Garcia – “Patay Gutom”
Student Shorts: Jomarie Corro-Reyes, William Roberts – “Kun Hain, Bisan Diin.”
PANALO SA CINEMATOGRAPHY
Full-Length: TM Malones – “Mono No Aware”
Student Shorts: Geia de Vera – “Limlim”
PANALO SA PRODUCTION DESIGN
Full-Length: Rodrigo Ricio – “Multwoh (Patay na Patay Sa’yo)”
Student Shorts: Jim Flores, Minnesota Flores, Sol Samodio – “12 Shots”
PANALO SA MUSICAL SCORING
Full-Length: Emerzon Texon – “Apol of My Ai”
Student Shorts: Lenard Kent Villanueva – “Miss Intrams”
PANALO SA VISUAL EFFECTS
Full-Length: “Patay Gutom” Animation Team
Student Shorts: Junelle Bacho Tecson, Luis Martin Mañalac – “Starfish”
PANALO SA EDITING
Full-Length: Edmund Telmo – “Mono No Aware”
Student Shorts: Brian Spencer Reyes – “Kun Hain, Bisan Diin.”
PANALO SA SOUND DESIGN
Full-Length: Willie Apa Jr. – “Mono No Aware”
Student Shorts: Hannah Gagalac – “Bumtak Sara ti Nuangen”
PANALONG AWITIN
Full-Length: “Reyna ng Quezon City” by Juana – “Stuck on You”
Student Shorts: “Game Na!” by Kier Mosquito, Edlyn Icao, John Dave Brion – “Teks Battle: Shoot Pati Pato!”
PANALONG POSTER
Full-Length: Denver Balbaboco – “Patay Gutom”
Student Shorts: Keith Ian Serfino – “Alumahan” & Eidan Maninang – “Nang Matakasan ang Tagay”
PINAKAPANALONG PROMOSYON NG PELIKULA
“When Heaven Inched Towards Earth”
PANALO SA BRAND INTRUSION
Full-Length: “Multwoh (Patay na Patay Sa’yo”)
Student Shorts: “Alumahan”
“Bawat taon, nagtitipon tayo upang parangalan ang tapang, husay, at passion ng mga Pilipino sa larangan ng paggawa ng pelikula, na patuloy na nagbibigay mga bagong paraan ng pagpapahayag sa Pelikulang Pilipino,” ani Puregold CinePanalo festival chair Ivy Hayagan-Piedad sa kahalagahan ng okasyon.
“Ipinagdiriwang natin ang kanilang mga tagumpay at patuloy nating itataguyod ang mga bagong tinig at pananaw na nagpapakilos, nagbibigay-inspirasyon, at umaabot sa puso ng ating panalong mga manonood.”
Nagpapatuloy ang Puregold CinePanalo hanggang Oktubre 4 sa Gateway Cineplex 18, TriNoma, Fairview Terraces, Ayala Malls Feliz, Ayala Malls Circuit, Ayala Malls Manila Bay, at Market! Market!
Ang regular tickets ay ₱250, habang maaaring bumili ng discounted tickets na ₱200 ang PWDs, senior citizens, estudyante, pambansang atleta, at mga Aling Puring at Puregold Perks cardholders.
Nagkakahalaga naman ng ₱2,000 ang festival pass na nagbibigay ng access sa lahat ng pitong full-length films at apat na set na tampok ang 19 student shorts ng festival. Available ang festival passes sa Gateway Cineplex 18 at Trinoma.
(Para sa iba pang mga larawan, tingnan dito)