Israeli Embassy tumulong sa Brigada Eskwela sa QC

Pinangunahan nina Ambassador Ilan Fluss (kanan) at Deputy Chief of Mission Esty Buzgan bilang volunteer team ng Israeli Embassy ang Brigada Eskwela kamakailan sa Quezon City.

Ang Israeli Ambassador to the Philippines na si Ilan Fluss ay lumahok sa Brigada Eskwela 2024 ng Department of Education (DepEd) sa Malaya Elementary School sa Quezon City, gayundin ang mga kawani ng Israeli Embassy sa Maynila.

Ang sentro ng learning resource center, na may pangalang Ofakim na batay sa isa sa mga komunidad ng Israel, ay inihanda sa tulong mula sa mga diplomata at kawani ng Embahada.

“The Embassy of Israel in the Philippines sees great importance in participating in the Brigada Eskwela. This is one way to show our camaraderie with the community, especially with the teachers and pupils. Investing in education is investing in the future of the country,” ani Ambassador.

“Ofakim means horizon in Hebrew. This symbolizes the importance of investing in education and broadening one’s horizon. It’s a fun, safe, and comfortable reading and learning area, exactly what the children need. This is the goal of our project.”

Dagdag pa rito, inihayag ni Ambassador Fluss na sa ilalim ng pamamahala ni DepEd Secretary Sonny Angara ay nakatuon pa rin ang Israel sa pagtutulungan sa mga inisyatibo at proyekto. “We have ongoing and future collaborations to support the development of the next generation of leaders in the Philippines,” ani Ambassador Fluss.

Sa simula ng school year, ang Ofakim Learning Resource Center ay magiging ganap na operational at accessible. Noong Hulyo 23, lumahok ang Embahada sa Brigada Eskwela 2024 bilang volunteer.

Bukod sa Quezon City, suportado ng Embahada ang Be’eri Learning Resource Center sa San Juan City. Ang Jerusalem Learning Resource Center sa Bagong Tanyag Elementary School ay pinasinayaan ng Embahada bilang bahagi ng Brigada Eskwela 2023.