Tulad ng dati, naging makulay at masigla ang pagbubukas ng 35th Philippine Travel Mart (PTM) itong umaga ng Biyernes, September 6 sa SMX Convention Center sa Pasay City.
Sa PTM na kilalang longest running travel fair, narito ang malaking chances para makapagpa-book sa mga kilalang destinasyon sa buong bansa na may handog na travel packages. Ito ay mula sa 300 tour operators, tourism offices, travel agencies, airlines, hotels and resorts na siguradong gugustuhin ng mga turista.
Bilang karangalan at patunay na dedikasyon nito sa turismo ng Philippine Tour Operators Association (PHILTOA), nag-organisa ng event, pinaunlakan ang kanilang paanyaya kay Department of Tourism Secretary Christina Garcia Frasco upang basbasan ang pagbubukas ng okasyon.
“As we open the doors of the 35th Philippine Travel Mart today, let us remember that the success of Philippine tourism is built on our unity, our hard work, and our shared purpose. We have come this far because of our combined efforts, our perseverance, and our common love for our country,” ani Secretary Frasco.
“I am confident that through our continued collaboration with the PHILTOA, our private sectors, the DOT, our attached agencies, our national and local government units, and all of our tourism stakeholders – Philippine tourism will continue to thrive and rise to its full potential. Together we welcome more travelers to our shores celebrate our rich heritage and promote sustainable tourism that benefits our economy,” pagpapatuloy pa niya.
Nasa ilalim ng temang “Love the NextGen Tourism” ang PTM ngayong taon na nakasentro sa mas modernong technology upang mapadali ang pagpapahusay sa turismo ng bansa dahil mae-enjoy ito ng bawat traveler. Sakop ng technology na ito ang sustainability, digitalization, inclusivity, at health and wellness na napapanahon at mas kailangan ng mga manlalakbay.
“As we navigate a world shaped by unprecedented challenges and opportunities, we must embrace a new era of tourism that is sustainable, inclusive, and technologically advanced,” ayon kay PHILTOA President Arjun Shroff.
Noong nakaraang taon, nakapagtala ng 60,000 travelers and visitors ang PTM na naging malaking bagay sa pagbuhay ng turismo mula sa epekto ng pandemya.
Ang 35th PMT ay magpapatuloy hanggang Linggo, September 8, 2024. Maliban sa travel packages, makikita rin sa mga booth ang natatanging local products kabilang ang mga pagkain, inumin, fashion items, at marami pang iba.
Para makabili ng tickets sa 35th PTM, magsadya sa www.philtravelmart.com/buyticket. Magsadya rin sa philtravelmart.com, mag-email sa philtravelmart.com@philtoa.com. Hanapin din ito sa Facebook at Instagram.
