Kahit madilim ang kalangitan dahil sa mga pag-ulan, maliwanag na naging matagumpay ang katatapos lamang na 37th Philippine Travel Mart (PTM) noong September 4 hanggang September 6 na may temang, “Nurturing the Next Gen Tourism, Discover Your Philippines.”
Sa opening day pa lamang ng event, dinumog na ito ng mga tao. Piyesta sa dami ng ganap o activities dahil sa kaliwa’t kanang mga offer mula sa mahigit 300 booths na nasa SMX Convention Center Manila.
Sa paglilibot sa venue, samu’t saring mga pagkain ang mabibili habang may mga libreng patikim na ipinagmamalaki ng bawat rehiyon bilang exhibitors. Kasama rin dito ang handicrafts, services ng tourists destinations na may promotions, at iba pa.
Ang event ay pormal ding binasbasan ng Department of Tourism, kaagapay ng bansa sa paglago ng ekonomiya.
“For young Filipinos and Filipino families around the world, we want to offer journeys that help them reconnect with their heritage by meeting our people, tasting our food, learning our traditions, and experiencing the places that will help build their sense of identity. We want them to come home not just with photographs, but with a deeper connection to who we are. And these experiences also create livelihoods for our artisans, farmers, cooks, guides, transport providers, and local interpreters,” paanyaya ni Department of Tourism (DOT) Secretary Maria Bernardita “Dita” Angara-Mathay.
Ang Philippine Travel Mart ay proyekto ng Philippine Tour Operators Association, Inc. (PhilTOA) na sumusuporta rin sa kampanya ng DOT na “Love the Philippines.” Nasa event din ang DOT regional offices mula Luzon, Visayas, at Mindanao.
Layunin ng PTM
Patuloy ang Philippine Travel Mart (PTM) sa layuning magsilbing mahalagang platform sa tourism stakeholders, pinagsasama-sama ang players sa travel industry, kabilang ang tour operators, travel agencies, hotels, at local government units.
Ang pangunahing layunin ng PTM ay itaguyod ang iba’t ibang atraksyong panturismo ng Pilipinas habang pinalalakas ang kooperasyon ng mga negosyo at mga pagkakataon sa pakikipag-networking sa mga propesyonal sa industriya.
“This is the third chapter of our Next Gen Tourism series. In 2024, PhilTOA made history by introducing Love the Next Gen Tourism in conjunction with the national Love the Philippines campaign, aligning PTM with the project’s tourism branding while opening a new chapter of the event. For the first time, we created PTM theme as a sequential and progressive series, each year building on the previous one, creating a continuing story that challenges the industry to look ahead, rethink, and re-imagine tourism,” ani Maria Lourdes Japson, president ng PhilTOA, Inc., ang premier at longest-standing interactive travel trade exposition sa bansa.
Sa likod ng muling bumabangong sektor ng turismo, itinampok ng taong ito ang mga makabagong travel package, sustainable tourism practices, at ang mayamang pamana ng kultura ng bansa, na isang mahalagang pagtitipon para sa sinumang kabilang sa industriya ng paglalakbay at turismo.