Bagong libro ni Chef Claude Tayag tungkol sa adobo inilunsad; Mama Sita’s Artisanal Vinegars isinangkap

May bago at masarap na balita ngayon ang Filipino chef at all-around culture advocate na si Claude Tayag dahil inilunsad na ang kanyang librong pinamagatang ‘The Ultimate Filipino Adobo: Stories through the Ages.’ Tinawag na ‘Sa Pula, Sa Puti, Sa Dilaw’, ang okasyon ay ginanap noong Pebrero 24, 2023, sa BALIKADA Street Fair na hosted ng Sigma Delta Phi ng U.P. Diliman.

Maraming kapupulutang impormasyon ang libro dahil sa mahigit pa sa isang koleksyon ng mga recipe ang naririto. Ito ay naglalahad ng napakaraming personal na kuwento mula sa iba’t ibang Pilipino at kanilang sariling mga karanasan sa pagluluto ng adobo, kabilang ang mga espesyal na sariling pamamaraan. Ilan sa mga kilalang celebrity na nagbahagi ng kanilang “adobo tales” ay tulad ng artist na si Ben Cabrera, broadcast journalist na si Ces Drilon, food writer Angelo Comsti, at mga chef na sina Tom Cunanan (Bad Saints), Robby Goco (Cyma), at Jessie Sincioco (Chef Jessie Rockwell Club).

Naghain ng vegetarian adobo rice sa dahon ng saging para magpakita ng mga bagong paraan sa paggawa ng adobo dish. Ang pagkaing ito ay nilahukan ng Mama Sita’s para masiguro ang tamang lasa at sarap.

Sa okasyong ito ay bumida ang multidimensional na pagluluto ng adobo. Ang ‘Sa puti’ ay tumutukoy sa paggamit ng aromatics at suka na walang toyo, ang ‘sa dilaw’ ay tumutukoy sa paggamit ng luyang dilaw (luya), habang ang ‘sa pula’ ay tumutukoy sa paggamit ng achuete tulad ng sa adobo dish ng Batangas.

Ang pagbibigay-buhay pa sa complexity at richness ng adobo ang laging sentro ng adbokasiya ni Chef Tayag, na naghamon sa ideya ng isang standardized na pamamaraan ng adobo noong 2021 nang iminungkahi ito ng Department of Trade and Industry. Nagdulot pa ito ng serye ng mga adobo na artikulo sa kanyang column sa ilalim ng The Philippine Star na naging inspirasyon sa paggawa ng libro.

Pinipirmahan ni Chef Claude Tayag ang mga kopya ng kanyang bagong libro na ‘The Ultimate Filipino Adobo: Stories through the Ages’. Ito ay ginanap noong Pebrero 24, 2023, sa ang BALIKADA Street Fair na hino-host ng Sigma Delta Phi ng U.P. Diliman.

Bagama’t palagian ipinakikita ni Chef Tayag ang sari-saring paraan upang makagawa ng isa sa mga iconic na pagkaing Pilipino, ang adobo ay maaaring ilarawan bilang isang paraan kung saan ang suka ay ginagamit bilang pangunahing cooking liquid. Isang pamamaraan na maaaring malaman ang istorya nito noong pre-Hispanic times.

“You can say this was the most popular ingredient because it was found all over the Philippines, and every region would have its specific kind of vinegar: coconut vinegar, sasa vinegar from the nipa palm, Aslam atbu, sukang tubó from the sugar cane…” pagbabahagi ng pamosong chef. Sinabi pa niya na dahil ang bawat rehiyon ay may sariling suka, mayroon ding unique term para sa paggamit nito sa pagluluto.

Dumalo rin sa event ang mamamahayag na si Ces Drilon (itaas na larawan) at culinary advocate Nina Daza Puyat para ibahagi ang kanilang mga insight kaugnay sa book launching ni Chef Claude Tayag.

Natural na sarap ng adobo gamit ang Mama Sita’s Artisanal Vinegars

Upang i-highlight ang culinary tradition na ito ng pagluluto gamit ang suka, ipinakita ng Mama Sita’s ang iba’t ibang natural na suka tulad ng Premium Coconut Nectar Vinegar, Sinamak (Spiced Vinegar), at Sukang Tuba (Coconut Floral Sap Vinegar). Inani ng mga lokal na magsasaka at natural na fermented, ang bawat bote ay buong pagmamahal na ginawa na walang idinagdag na artipisyal na sangkap.

Nang matanong kung paano naiiba ang paggamit ng natural na suka, sinabi ni chef Tayag ang distinct flavor nito: “Naturally fermented vinegar is not that sour because there’s still some natural sweetness left from it being a fruit juice; versus the commercially made vinegar with acetic acid which turns into vinegar in five days–that’s why it is extremely sour.”

“When you cook adobo it has to be the naturally fermented vinegar because adobo basically is using vinegar without acidity. That’s why the best way to eat adobo is after reheating to let the acidity mellow,” paliwanag pa niya.

Maliban sa natural na lasa, ikinatutuwa ng mga produktong suka ng Mama Sita’s ang maprosesong paglikha nito: mula sa pag-aani ng floral sap na nangangailangan ng pag-akyat sa pinakamatanda, matataas na puno ng niyog, hanggang sa pag-ferment ng katas mismo sa loob ng ilang buwan bago ito mailagay sa bote.

“I must thank Mama Sita’s for advocating the use of artisanal vinegars, especially tuba because at the end of the day, if no one supports these products, the farmers will stop production and the tradition will die… I’ve been advocating local produce, local panlasa, and this is a way of helping small farmers.”

Mama Sita’s Premium Vinegars

Ang Ultimate Filipino Adobo book ni Chef Claude Tayag, at ang Mama Sita’s Premium Vinegars ay mabibili sa Lazada at Shoppee:

Claude Tayag: Arts+Books+Prints; Mama Sita’s PH

Bisitahain ang www.mamasitas.com upang makuha ang higit pang impormasyon o sundan ito sa social media pages para sa updates:

FB: facebook.com/MamaSitasPH

IG: @mamasitasrecipes

TIKTOK: @mamasitasph

TWITTER: @KusinaMamaSita