Ang Pambansang Araw ng mga Bayani na ipinagdiriwang taon-taon sa huling Lunes ng Agosto ay isang makabuluhang okasyon na nagpaparangal sa katapangan at sakripisyo ng kilala at mas nakaaangat na personalidad ng bansa na nakipaglaban para sa kalayaan at katarungan.
Nakailang beses na ring nabago ang petsa ng pagdiriwang na ito sa paglipas ng maraming taon. Bilang parangal sa kapansin-pansing Sigaw ng Pugadlawin na naganap noong Agosto 1896, itinatag ng Lehislatura ng Pilipinas ang pagdaraos ng Araw ng mga Bayani sa huling Linggo ng Agosto noong Oktubre 28, 1931, at it ay nasa ilalim ng Republic Act No. 3827.
Bawat taon tuwing Nobyembre 30, na legal na idineklara na Andres Bonifacio Day nang maipasa ang Republic Act No. 2946 noong 1921 sa ilalim ni dating Pangulong Emilio Aguinaldo, pararangalan ng mga tao ang mga bayani ng bansa tulad nina Jose Rizal, Andres Bonifacio at marami pang iba. Ang kaugaliang ito ay nagpatuloy hanggang sa pananakop ng mga Hapones. Nilagdaan ito ni dating Pangulong Jose P. Laurel ang Executive Order No. 20 noong Marso 20, 1942, na inilipat ang paggunita sa Marso 20, 1942, ang araw ng kaarawan ni Bonifacio.
Noong 1952, ibinalik ni Pangulong Elpidio Quirino ang paggunita sa mga bayani noong huling linggo ng Agosto, sa pamamagitan ng Administrative Order No. 190 ng iba pang bayani ng bansa, at para na rin magbigay ng sariling pagkilala sa Supremo ng Katipunan. Inaprubahan naman ito ni Pangulong Corazon Aquino sa Administrative Code of 1987.
Makalipas ang ilang dekada, noong 2007 ay pinirmahan ni Pangulong Gloria Arroyo ang Republic Act No. 9492 na nagtatakda ng pagdiriwang ng National Heroes Day sa huling Lunes ng Agosto, mula sa nakaraang Linggo. Ito ay dahil sa programang “Holiday Economics” na naglalayong bigyan ang mga Pilipino ng mas maraming oras para sa kanilang mga pamilya, at paunlarin ang turismo sa pamamagitan ng pagpapalawig ng weekends.

